"Mədəni yenilənmə" adlı yeni multidistiplinar layihə

Azərbaycan Respublikasının Mədəniyyət Nazirliyi il birgə, "Mədəni yenilənmə" adlı yeni multidistiplinar layihənin başlanmasını elan edirik .Bu layihənin başlıca məqsədi xaricdə yaşayan, musiqi, teatr, kino, ədəbiyyat və elm sahəsində peşəkar uğurlara imza atmış istedadlı soydaşlarımızın fəaliyyəti ilə Azərbaycan tamaşaçılarını tanış etməkdir. Maarifləndirici xarakter daşıyan bu təşəbbüs tanınmış və istedadlı azərbaycanlıların yaradıcılığını gənclərimizə daha yaxın və daha anlaşılan edəcək. Biz dünyanın hər bir yerində yaşayan soydaşlarımızla Azərbaycan auditoriyası ilə arasında möhkəm əlaqələrin qurulmasını son dərəcə vacib hesab edirik. Fəaliyyət növündən asılı olaraq, layihənin hər bir iştirakçısına müxtəlif formatlı tədbirlərdə (ustad dərslər, mühazirələr, yaradıcılıq görüşləri, konsertlər, film nümayişləri, monotamaşalar və s.) iştirak imkanı təqdim olunacaq. Layihə çərçivəsində ilk qonağımız teatr prodüseri, rejissor, Rusiya Dövlət Teatr Sənəti Akademiyasının (QİTİS) ifaçılıq sənətləri üzrə prodüserlik və menecment kafedrasının rəhbəri, sənətşünaslıq elmləri namizədi, dosent Elşən Məmmədov olacaq.

28 oktyabr, 19:00

Səməd Vurğun adına Azərbaycan Dövlət Akademik Rus Dram Teatrı

İştirakçı sayı məhduddur

Qeydiyyat üçün: 0502469292

COVID pasportun olması mütləqdir