«Atəşgah» Sığorta Şirkəti 1996-cı ildə təsis olunmuşdur. Şirkət müxtəlif sığorta məhsulları, o cümlədən, icbari, əmlak və qeyri-əmlak sığorta məhsullarının satışı ilə məşğuldur. 2011-ci ildən etibarən “Atəşgah” və “Atəşgah Həyat” SŞ birləşərək “Atəşgah” Sığora Qrupunu yaratmışlar. Hal hazırda Bakı şəhərində və regionlarda fəaliyyət göstərən 14 filialda, 500-ə yaxın əməkdaş çalışmaqdadır. “Atəşgah” daima öz işçilərinin inkişafını düşünərək, onlara geniş inkişaf imkanları yaradır. Daha ətraflı məlumat almaq üçün www.ateshgah.com saytına müraciət edə bilərsiniz. Hörmətli namizəd! İnanırıq ki, bizim komandanın bir üzvü olaraq, yaxın gələcəkdə Sizin ilk peşəkar uğurlarınıza sevinəcəyik! Mühüm müştərilərlə iş şöbəsinin mütəxəssisi Namizədə tələblər • Yaş: 21-35 • Cinsi: kişi və ya qadın • Təhsil: Ali • İş təcrübəsi: Müştəri xidmətləri, satış sahəsində (həmçinin sığorta və ya bank sahəsində) olanlara üstünlük verilir • Dil bilikləri: Azərbaycan dili (əla) , Rus dili (əla) mütləqdir, İngilis dili arzuolunandır • Kompyuter bilikləri: MS Office yaxşı səviyyədə bilməsi Şəxsi keyfiyyətlər • Müxtəlif düşüncə və dünya görüşünə malik olan insanlarla ünsiyyət qurmaq bacarığı • Fikrini dəqiq, lokanik və özünə əminliklə təqdim etmə bacarığı • Ünsiyyət tərzi ilə insanları cəlb etmə və inandırmaq bacarığı • Yeni bilik və bacarıqları özündə inkişaf etdirmək həvəsi • Komandanın bir üzvü olmaq üçün, yeni iş mühitinə və kollektivə tez uyğunlaşmaq bacarığı Əsas vəzifə öhdəlikləri • Potensial korporativ müştərilərin axtarışını həyata keçirmək və onlarla görüşlər keçirmək; • Müştərilərin tələblərini nəzərə alaraq, uyğun sığorta məhsulunu təklif etmək; • Sığorta qaydaları haqqında müştərinin dəqiq məlumat almasında ona köməklik göstərmək; • Sığorta məhsullarının satışı üzrə müəyyən olunan planı yerinə yetirmək; • Yeni və mövcud müştərilər üzrə məlumat bazasını aparmaq; • İşlədiyi şöbənin fəaliyyəti ilə bağlı bilavasitə öz rəhbərinin xidməti tapşırıqlarını yerinə yetirmək. İş şərtləri • Əmək müqaviləsi bağlanılır • İş vaxtı 09:00 - 17:30 • İş günü 5/2 (şənbə və bazar günləri, dövlət bayramları və milli hüzn günü qeyri-iş günləridir) • Şirkət tərəfindən korporativ nömrə və danışıq vaxtı verilir • Şirkət tərəfindən görüşlər üçün sürücü və avtomobil təqdim olunur • Sabit əmək haqqı 500 AZN • Sınaq müddətindən sonra 600 AZN + rüblük motivasiya Məlumatlandırıcı qeydlər • Zəhmət olmasa, CV formanızı göndərmədən öncə iş elanı ilə ətraflı tanış olun • CV formanızın Word və yaxud PDF formatında hazırlanması məqsədə uyğundur • CV formasında əsas məlumatları lokanik və aydın qeyd edin • Unutmayın ki, namizədliyinizin baxılmasında, CV formanız mühüm rol oynayır. Bu səbəbdən xahiş edirik nəzərə alasınız ki, CV forması Sizin ilkin təqdimatınızı edən bir müraciət vasitəsidir • İlkin mərhələ üçün CV formasından əlavə digər sənədlərinizin sürətinin göndərilməsinə ehtiyac yoxdur • Məktubun mövzu bölməsində, vakansiyanın adını mütləq qeyd edin • CV forması göndərmədən öncə vakansiya üçün vacib dəyərləndiriləcək şəxsi keyfiyyətlərlə tanış olun və müsahibə zamanı bu keyfiyyətləri nümayiş etdirə biləcəyinizə əmin olun • İşə qəbul prosesinin növbəti mərhələsi üçün yalnız seçilmiş namizədlərlə əlaqə saxlanılacaq - Maraqlananlar öz CV formalarını [email protected] ünvanına göndərə bilər. “Atəşgah” S.Ş. şəffaf idarəçilik üslubunu tətbiq etməklə, əməkdaşların daimi rəyini öyrənib, qərarların qəbul edilməsində onların iştirakını təmin edir. Sağlam həyat tərzinin təmin olunması üçün müasir idman zalı, bütün avadanlıqlarla təhciz olunmuş yemək zalında güzəştli şərtlərdə təşkil olunan nahar fasiləsi, kitabxana, istirahət otaqları, müxtəlif əyləncəli tədbirlər, intellektual oyun və viktorinalar iş gününü maraqlı və faydalı edir. Ən vacibi isə hər bir əməkdaş davamlı inkişaf və karyera yüksəlişi məqsədilə daxili və xarici tədris prosesinə qoşulmaq imkanına malikdir