İdeyasına, bacarıqlarına güvənən gənclər, bu müsabiqə məhz sizlər üçündür. 

Bu gündən etibarən gənclərin öz ekoloji ideyalarını və təkliflərini peşəkar dəstəklə inkişaf etdirəcəkləri “Sustainability Ideation Challenge” üçün qeydiyyat dövrü açıq elan olunur! 

“Eco Hub” Ekoloji Təşəbbüslərə Dəstək İctimai Birliyinin, “Coca-Cola” Fondunun və Ekologiya və Təbii Sərvətlər Nazirliyinin birgə əməkdaşlığı ilə keçirilən “Sustainability Ideation Challenge” müsabiqəsinə ideyalarının qəbulu 15 iyun tarixinə qədər keçərlidir.

Layihənin əsas məqsədi tullantıların azaldılması və təkrar emala cəlb edilməsini təşviq etmək, ekoloji mövzuda yeni innovativ yanaşmalar, layihələr kəşf etməkdir. 

Müsabiqəyə 16-26 yaş aralığında olan, ekoloji ideyasına güvənən hər bir gənc fərdi olaraq və ya komanda formasında müraciət edə bilər. İştirakçılar öz ekoloji ideyalarını, layihə təkliflərini hazırlayaraq, paylaşacağımız forumdan qeydiyyatdan keçməklə müsabiqəyə qoşula biləcəklər.

Qeyd edək ki, müsabiqədə ilkin mərhələdə 50 ideya seçiləcək, bu ideyalardan sonda 3 qalib (1-ci, 2-ci və 3-cü yerlər olmaqla) müəyyənləşdirələrək, mükafatlandırılacaq. 

Layihənin qeydiyyat linki:

https://forms.gle/RJmCFmaMmHL7ms41A