"Məhkəmə arxeologiyası və antropologiyası" mövzusuna həsr edilmiş Beynəlxalq Konfrans keçiriləcək

Məmnuniyyətlə bildiririk ki, Azərbaycan Milli Elmlər Akademiyasının Arxeologiya, Etnoqrafiya və Antropologiya İnstitutu, Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyası və Beynəlxalq Qızıl Xaç Komitəsinin birgə təşkilatçılığı ilə "Məhkəmə arxeologiyası və antropologiyası" mövzusuna həsr edilmiş Beynəlxalq Konfrans keçiriləcək.

Elmi konfrans Azərbaycanda məhkəmə arxeologiyası və antropologiyasının bünövrəsinin beynəlxalq standartlar əsasında, sahələrarası konsepsiya və humanitar yanaşma çərçivəsində qoyulması və inkişaf etdirilməsi məqsədilə sözügedən sahələrdə çalışan beynəlxalq və yerli ekspertləri bir araya gətirəcək.

Məhkəmə-tibbi ekspertizanın inkişaf etdirilməsinə yönəlmiş və birgə səylərin nəticəsi olan bu tədbiri səbrsizliklə gözləyirik.

Qeydiyyat üçün aşağıdakı keçiddən istifadə edin.
https://forms.office.com/e/484SQvRzKv