Tur Menecer vakansiyası aktivdir:

Vəzifə öhdəlikləri:
●      Müştərilərin turizm xidmətlərinə olan tələblərini toplayır, öyrənir və təhlil edir.
●      Turistlərə yerləşdirmə və ekskursiya xidmətləri göstərən əlverişli turoperatorları axtarır;
●      Mehmanxana, ekskursiya və nəqliyyat xidmətləri göstərən təşkilatlarla əlaqə qurur və xidmətlərin göstərilməsi üzrə müqavilələrin bağlanmasını təmin edir;
●      Tura daxil olan xidmətlərin qiymətindən və öz xərclərindən asılı olaraq tur paketinin dəyərinin müəyyən edilməsində iştirak edir;
●      Müştəriyə lazımi şifahi və yazılı məlumat və məsləhət verir: (səfərin tarixləri, ölkəyə giriş – çıxış, viza, nəqliyyat, ekskursiya, valyuta, gömrük nəzarəti və s.);
●      Turistlərin siyahılarını və otellərdə qeydiyyat cədvəlini tərtib edir;
●      Turistlərin gəliş yeri və vaxtı haqqında məlumat alır, turist qrupunun vaxtında yola salınmasını və gəlişini təşkil edir;
●      Təşkil olunmuş turların statistikasını aparır və hesabatlar hazırlayır;
●      Turistlərə səyahət zamanı təhlükəsizlik tədbirlərinə riayət edilməsi və ilk tibbi yardımın göstərilməsi qaydaları barədə təlimatlar verir;
●      Hadisə zamanı turistlərlə baş vermiş fövqəladə hallar, habelə səfərdən qayıtmamış turistlər barədə dərhal təşkilatın rəhbərinə və maraqlı şəxslərə məlumat verir.
 
 Tələblər:
●      Ali təhsilli;
●      Analoji vəzifədə minimum 5 il təcrübə;
●      MS Office proqramını yaxşı bilmək;
●      Azərbaycan, rus və ingilis dillərini sərbəst bilmək;
●      Məsuliyyət, peşəkarlıq, yaxşı ünsiyyət bacarığı;
●      Tələbdən nəticəyə qədər verilən tapşırığı dəqiq yerinə yetirmək bacarığı.
 
Şərtlər:
●      İş qrafiki 10:00 - 19:00, BE-C;
●      Azərbaycan Respublikası ƏM üzrə rəsmiləşdirmə;
●      Müsahibə nəticələrinə görə rəqabət qabiliyyətli əmək haqqı və bonuslar.
 
Şirkət haqqında məlumatlar:
“Silk Road Azerbaijan” MMC, 2005-ci ildən fəaliyyət göstərən “Turizm.Az” şirkətinin törəmə şirkəti olaraq 2017-ci ildə yaranmışdır. Yarandığı gündən etibarən “eVisa Azerbaijan”, “Runaway House” və s. kimi innovativ layihələri ilə həm gəlmə, həm də getmə turizmdə yenilikçi turizm şirkəti olaraq tanınmışdır. Şirkətimiz B2B və korporativ satış strategiyasını əsas tutaraq dünyanın istənilən nöqtəsinə sərfəli tarif və marşrutla aviabiletlərin satışı, otellərin bronlaşdırılması və zəmanətli qrup turlarının təşkili xidmətlərini təklif edir.
 
Müsahibə bütün alınmış CV-lərə baxıldıqdan sonra keçiriləcək.
CV – lər 15 Dekabr 2023-cü il tarixinədək qəbul edilir.
Fotoşəkilli CV formasını mövzu hissəsində “Tur Menecer” vəzifəsi və gözlənilən əmək haqqı göstərilməklə [email protected] e-mail ünvanına göndərmənizi xahiş edirik.
Müsahibəyə yalnız yuxarıda göstərilən tələblərə cavab verən namizədlər dəvət olunacaqlar.