İngilis dilini təkmilləşdirmək istəyən tələbələrin nəzərinə!

Təhsil Tələbə Krediti Fondunun tərəfdaşlığı və Amerika Birləşmiş Ştatlarının Azərbaycan Səfirliyinin maliyyə dəstəyi ilə keçiriləcək ingilis dilində virtual təhsil proqramı layihəsinin başladığını elan edirik.

Bu layihə tələbələrin aşağıdakı proqramlar üzrə ingilis dili bilik və bacarıqlarını təkminləşdirmək üçün nəzərdə tutulmuşdur.
• İngilis dilində 4 bacarıq ( oxumaq, yazmaq, danışıq, dinləmə), qrammatika və lüğətin təkmilləşdirilməsi proqramı;
• Akademik Məqsədlər üçün İngilis dili proqramı (EAP)
• Xüsusi sahələr (İT və Biznes)üzrə ingilis dili proqramı

Proqrama orta (intermediate) dərəcədə ingilis dili bilikləri olan, ali təhsil müəssisələrinin bakalavriat səviyyəsinin 3- 4-cü kurslarında və magistratura səviyyəsində təhsil alan tələbələr müraciət edə bilərlər.
İngilis dilində virtual təhsil proqramı 10 iyul -11 sentyabr 2023-cü il tarixlərini əhatə etməklə 10 həftə davam edəcəkdir. Proqramı uğurla bitirən tələbələrə sertifikat veriləcəkdir.

İştirak etmək istəyənləri 5 iyun 2023-cü il tarixinədək onlayn müraciət ilə qeydiyyatdan keçməyə dəvət edirik .

Yerlər məhdud olduğundan, tələbələrdən müraciət linkindəki formu tez bir zamanda doldurmaları tövsiyyə olunur.

Seçim mərhələsində Təhsil Tələbə Kreditlərindən yararlanan, sosial həssas ailə qruplarında olan və regionlarda ali təhsil alan tələblərə daha çox üstünlük veriləcəkdir.

İngilis dili biliklərinizi artırmaq və gələcək karyera perspektivlərinizi inkişaf etdirmək istəyirsinizdə bu fürsəti qaçırmayın !

Qeydiyyat:  LİNK