"IT Project manager" vakansiyası

 "IT Project manager" vakansiyası

Namizəddən tələblər:
· Proqramlaşdırma sahəsi üzrə baza biliklər;
· Azərbaycan dilində mükəmməl yazma və kommunikasiya, rus və ya ingilis dillərindən ən azı birinin yaxşı səviyyədə bilməsi arzuolunandır;
· MS Office proqramlarından tam istifadə etmə qabiliyyəti;
· Layihə üçün əməkdaşlıq alətlərindən istifadə edilməsi (məsələn: Trello, Jira, Redmine);
· Analitik və strateji düşüncə, həmçinin güclü araşdırma qabiliyyəti;
· Stresə dözümlülük;
· Vaxtın düzgün idarə edilməsi bacarıqları;
· Komandanın idarə edilməsi bacarıqları;
· Beynəlxalq modelləri araşdırıb layihənin tələbinə cavab verən elementləri tətbiq etmək;
· Layihələrin idarəedilməsi sahəsi üzrə təcrübənin olması.

Vəzifə öhdəlikləri
· Layihənin planlaşdırılması, icrası və icrasına nəzarəti təmin etmək;
· Layihənin qüsursuz icrası üçün daxili resursları və üçüncü tərəfləri/kontraktorları düzgün koordinasiya etmək;
· Layihə üzrə risk və digər məsələlərin müəyyən edilməsi, araşdırılması və həll olunmasına nəzarəti həyata keçirmək;
· Layihə üzrə kommunikasiya və koordinasiyanı təşkil etmək, hesabatların aidiyyəti üzrə təqdim edilməsini təmin etmək;
· Proqram və layihə idarəetməsi standartları üzrə maarifləndirmə məqsədilə layihə komandası ilə mütəmadi görüşlərin və təlimlərin təşkili;
· Layihənin tələb olunan keyfiyyətdə və vaxtda, büdcə və layihənin iş həcmi çərçivəsində yerinə yetirilməsini təmin etmək;
· Texniki tapşırıqların yazılmasında iştirak;
· Layihənin nəticələrini planlama dövrü ilə üzləşdirmək və uyğunluğunu dəyərləndirmək;
· Beynəlxalq təcrübənin öyrənilməsi, layihə standartları, prosedurları və metodoloji sənədlərin təkmilləşdirilməsi üzrə təkliflərin hazırlanmasını təklif etmək.


Qazanacaqlarınız:
· Yaradıcı heyətlə çalışma;
· Gənc kollektivlə işləmə imkanı;

İş rejimi:
· ofis daxili;
· həftənin 5 günü (09:00 – 18:00).

Yalnız müvafiq tələblərə sahib şəxslərin müraciət etməsi xahiş olunur. Vakansiya ilə maraqlanan və tələblərə uyğun olan namizədlərdən CV-lərini [email protected] elektron poçt ünvanına göndərmələri və mövzu hissəsində mütləq “Junior IT Project manager” qeyd etmələri xahiş olunur.
Mövzu hissəsində bildirilən müvafiq qeyd olmayan CV-lərə baxılmayacaqdır.