Aqrar Xidmətlər Agentliyi Yay Təcrübə Proqramı təşkil edir. 

Proqramda Aqronomiya və Baytarlıq ixtisası üzrə ali təhsilli mütəxəsisslərin iştirakı nəzərdə tutulur.

Təcrübə proqramının məqsədi aqrar sahədə kadr potensialını gücləndirməklə bilik və bacarıqları artırmaq, nəzəri bilikləri praktikaya çevirməklə yanaşı müvafiq sahədə karyera imkanları yaratmaqdır.

Proqram çərçivəsində iştirakçılar Aqrar sahədə tətbiq edilən yeni innovativ texnologiyalarla da tanış olacaqlar. Təcrübəni uğurla başa vuran iştirakçıların müsahibə yolu ilə işə qəbulunun dəyərləndirilməsi nəzərdə tutulur.

Yay Təcrübə Proqramı 2025-ci il iyul ayının 1-dən sentyabr ayının 1-dək davam edəcəkdir. İki aylıq Proqramda sahə üzrə texniki və nəzəri biliklərə malik, aktiv, təşəbbüskar və öyrənməyə həvəsli Aqronomiya və Baytarlıq ixtisaslarını bitirmiş ali təhsilli mütəxəssislər iştirak edə bilər.

Proqram Aqrar Xidmətlər Agentliyinin rayon (şəhər) idarələrində keçiriləcəkdir.

Son müraciət tarixi 25.06.2025-ci ildir.