Hörmətli tələbələr və yeni məzunlar!
Sizi Azərbaycan İdman Akademiyasında təcrübə keçmək fürsətindən yararlanmağa dəvət edirik. Bu təcrübə proqramı sizə real iş mühiti ilə tanış olmaq, praktiki biliklər qazanmaq və peşəkar komandadan öyrənmək imkanı yaradacaq.
Akademiyanın əsasən idman sahəsində ali təhsil müəssisəsiolduğuna baxmayaraq, burada
1. Tədrisin planlaşdırılması və proqnozlaşdırılması departamenti
2. Akademik sənədlərlə iş şöbəsi
3. Sağlamlıq və menecment fakültəsinin dekanlığı
4. İdman fakültəsinin dekanlığı
5. Fiziki tərbiyə fakültəsinin dekanlığı
6. Sağlamlaşdırıcı idman və reabilitasiya kafedrası
7. Menecment və ümumi fənlər kafedrası
8. Humanitar fənlər kafedrası
9. Fiziki hazırlıq kafedrası
10. Komanda idman növləri kafedrası
11. Fərdi idman növləri kafedarsı
12. Keyfiyyət təminatı və tələbələrə akademik dəstək departamenti
13. Beynəlxalq əməkdaşlıq və layihələrlə iş şöbəsi
14. Ömürboyu təhsil şöbəsi
15. MediaLab
16. Elmi-tədqiqat mərkəzi
17. Karyera inkişafı şöbəsi
kimi müxtəlif struktur bölmələrdə təcrübəçi ola bilərsiniz.
Akademiya innovativ və gənclərin potensialına dəyər verən bir ali təhsil müəssisəsidir.
Təcrübə müddəti: 2025-ci ilin yay tətili dövrünü əhatə edəcək.
İş rejimi: Akademiyanın iş saatları çərçivəsində, təyin olunmuş struktur bölmənin rejiminə uyğun şəkildə.
Akademiyada təcrübəçi olmaq üçün əsas tələblər:
Ali təhsil müəssisələrində təhsil alan (həm bakalavriat, həm magistratura) və ya yeni məzun olmuş namizədlər;
Ünsiyyət və komandada işləmə bacarığı;
Öyrənməyə və inkişaf etməyə maraq;
MS Office proqramları ilə işləmə bacarığı və ingilis dili üzrə ən az B1 səviyyəsi arzuolunandır;
Müraciət edilən sahələr üzrə ixtisas uyğunluğu.
Təcrübə sizə qazandıracaq:
Real iş mühitində və layihələrdə iştirak imkanı;
Rəhbərlik tərəfindən dəstək və istiqamətləndirilmə;
Təcrübə sonunda sertifikat;
Uğurlu namizədlər üçün gələcəkdə iş imkanı.
Müraciət qaydası:
CV və motivasiya məktubu 12 iyul 2025-ci il tarixinədək [email protected] ünvanına göndərilməlidir.
E-mailin mövzu hissəsində “Təcrübə Proqramı – [istədiyiniz struktur bölmə]” qeyd olunmalıdır.
Əlaqə üçün məlumat:
Telefon: +99412 5641162
Fətəli Xan Xoyski prospekti, 98
Bakı, Azərbaycan, AZ1072
Mobil: (+994 50) 3772951
Rəy bildirin
Hələ heç bir rəy yazılmayıb