Azərbaycan Texniki Universitetinin (AzTU) nəzdində fəaliyyət göstərən Yüksək Təhsil İnstitutunun Beynəlxalq Biznes Məktəbinə akademik məsləhətçi vəzifəsinə vakansiya elan edilir. 

Tələblər:

· Ali təhsil – magistr dərəcəsi  (iqtisadiyyat, menecment, IT və mühəndislik ixtisasları üzrə);

· Təhsil sahəsi üzrə iş təcrübəsi (Tyutor təlim sertifikatı arzuolunandır);

· "Təhsil haqqında" Azərbaycan Respublikasının Qanununu, Nazirlər Kabinetinin, Elm və Təhsil Nazirliyinin, mərkəzi icra hakimiyyəti orqanlarının aidiyyəti qərar, sərəncam və əmrlərini bilmək;

· Dil bilikləri: rus, ingilis və s. xarici dillərdə ünsiyyət qurmaq, oxumaq və yazmaq bacarığı üstünlükdür;

· Ms Office (Word, Excel, Power Point) proqramları üzrə biliklər;

· Ali məktəb pedaqogikasını və psixologiyasını, tələbələrlə davranış qaydalarını, onlarla işin psixoloji xüsusiyyətlərini bilmək.

 Əmək funksiyaları:

· Kredit sistemi əsasında təşkil olunmuş tədris prosesinin qaydaları ilə tələbələri məlumatlandırmaq;

· Tədris prosesinin təşkili ilə bağlı bütün zəruri məlumatları və sənədləri tələbələrə təqdim etmək;

· Fərdi və qrup şəklində tələbələrin fərdi tədris planlarının tərtibi üçün onlara məsləhətlər vermək;

· Tələbələrin fərdi tədris planlarının qəbulunu təşkil etmək və ixtisaslar (ixtisaslaşmalar) üzrə illik işçi tədris planlarının tərtibində iştirak etmək;

· Tələbələrə fərdi tədris planlarında dəyişikliklər aparmasına yardım göstərmək;

· Yay semestrinin təşkilində iştirak etmək;

· AzTU-nun Elektron Təhsil Sisteminə tələbələrlə bağlı məlumatları daxil etmək və izləmək;

· AOİTAS (Ali və ORTA İxtisas Təhsili Alt Sistemi) sisteminə təhsil alanlarla bağlı məlumatları daxil etmək;

· Aralıq və yekun dövlət buraxılış imtahanlarının təşkilində iştirak etmək.  

Tələblərə uyğun namizədlər mövzu yerində mövcud vakansiya adını qeyd etməklə öz CV-lərini [email protected] elektron ünvanına göndərə bilərlər. 

Müraciət üçün son tarix: 19.02.2025