01 İyul, 2025 - 09:23
42
Şəki-Zaqatala Regional Təhsil İdarəsi tabeliyindəki ümumi təhsil müəssisələrində hal-hazırda vakant yerlər
- Dərc edildi: 9 Yanvar, 2025 - 00:49
İşə qəbul üzrə müsabiqəyə start verilir
---
Şəki-Zaqatala Regional Təhsil İdarəsi tabeliyindəki ümumi təhsil müəssisələrində hal-hazırda vakant olan laborant, kitabxanaçı, kitabxana müdiri, katibə-makinaçı, gənclərin çağırışaqədərki hazırlığı rəhbəri, təsərrüfat işləri üzrə direktor müavini, təsərrüfat müdiri, uşaq birliyi təşkilatı rəhbəri və psixoloq vəzifələrinə işə qəbul üzrə müsabiqə elan edir.
Qeyd edilən vəzifələr üzrə işə qəbul olmaq istəyən şəxslər 9-31 yanvar tarixlərində, həftə içi 5 gün saat 09:00-dan 17:00-dək yerli rayon təhsil sektoruna yaxınlaşaraq sənədlərini (şəxsiyyət vəsiqəsi bütün vəzifələr üzrə, diplom və əmək kitabçası isə müvafiq ixtisas və ya staj tələb olunan vəzifələr üzrə) təqdim etməklə qeydiyyatdan keçə və imtahana buraxılış vərəqəsi əldə edə bilərlər.
Həmçinin namizədlər qeyd olunmuş
Məlumat üçün bildiririk ki, imtahana qədər yeni vakant yerlər yarandığı təqdirdə siyahıya əlavə olunacaq.
Vəzifələr üzrə 20 ixtisas, 15 informatika və 15 məntiqi təfəkkür suallarına cavab verərək ən yüksək bal toplamış namizədlər birbaşa vəzifəyə təyin olunacaqlar.
Adıçəkilən vəzifələr üzrə ixtisas tələbləri və müsabiqə proqramına aşağıdakı linkə daxil olaraq tanış ola bilərsiniz: https://ref.az/2jMBm17.
Qeyd edək ki, test imtahanı fevral ayında Şəki şəhər 11 nömrəli tam orta məktəbdə keçiriləcək. İmtahanın dəqiq vaxtı və vəzifələr üzrə seansların saatı İdarənin sosial media hesablarında elan ediləcək.
Müsabiqədə iştirak edəcək namizədlərə uğurlar arzulayırıq!
Rəy bildirin
Hələ heç bir rəy yazılmayıb