Alternativ Satış Şöbəsi üzrə Bizdən Biri Təcrübə Proqramı

Mikro Biznes Departamentinin Alternativ Satış Şöbəsi üzrə Bizdən Biri Təcrübə Proqramı

Ümumi məlumat

- Bank haqqında 

Kapital Bank ölkənin ən böyük bankıdır və bütün bazar üçün standartları müəyyən edir. Hər gün 6 milyon müştəri bizə güvənərək məhsullarımızdan istifadə edir. Bankın ölkə üzrə 140-a yaxın xidmət nöqtəsi, hər kəsin sevərək istifadə etdiyi kart məhsulları, ölkənin ilk rəqəmsal bankı olan Birbank tətbiqi var. Birbank-ın aktiv istifadəçilərinin sayı isə bu gün artıq 4 milyona yaxınlaşır.

Məqsədimiz – müştərilərimizin həyatını daha rahat, xoş və komfortlu hala gətirməkdir. Bunun üçün ən uyğun bank xidmətlərindən və gəlirli maliyyə məhsullarından ibarət ekosistem qururuq. Artıq siz kredit məhsullarını və kartları onlayn əldə edə, ölkədaxili, eləcə də ölkəxarici pul köçürmələri apara, alış-verişinizi faizsiz olaraq aylara bölə və ödənişlərinizdən keşbek qazana bilərsiniz.

Gələcək üçün böyük planlarımız var və biz məhz bu planları reallaşdıraraq ölkəmizin gündəlik həyatını bizimlə birgə müsbətə doğru dəyişə biləcək enerjidolu və ambisiyalı şəxslərin axtarışındayıq. 

Öhdəliklər

·      Bankın bazasında olan sahibkar müştərilərə kredit və qeyri-kredit məhsullarının satışı məqsədilə zənglər edir;

·      Bankın bazasında olan sahibkar müştərilərə kredit və qeyri-kredit məhsullarının məsafədən rəsmiləşdirməsini edir;

·      Bankın bazasında olan müştərilərə kredit və qeyri-kredit məhsullarından istifadə qaydalarını izah edir;

·      Banka internet resursları, sosial şəbəkə, sms və ya hər hansı digər vasitə ilə daxil olan müştəri müraciətlərini qəbul edərək əlaqəni təmin edir və onları məlumatlandırır;

·      Zəng etmiş və bank məhsullarından yararlanmaq niyyətini bildirmiş, lakin filiala müraciət etməmiş müştərilərlə yenidən əlaqə yaradır və təkrar görüş təyin edir və s.

Tələblər

• Ali təhsil;
• Səlis azərbaycan dili (rus dili və ingilis dili arzuolunandır);
• Microsoft Office proqramları üzrə biliklər;
• Online satış və mikro satışlar üzrə biliklər arzuolunandır;
• Məsuliyyətlilik, dəqiqlik və operativlik;
• Təzyiq altında işləmə qabiliyyəti;
• Qərar qəbul etmə bacarığı;
• Kollektivdə işləmə bacarığı;
• Müştərilərlə ünsiyyət qurma qabiliyyəti.

- Təcrübəyə qəbul prosesi 

Seçim prosesi aşağıdakı əsas mərhələlərdə həyata keçir:

• CV yoxlanışı
• İmtahan
• Qrup müsahibəsi
• Yekun müsahibə

- Bizimlə işləməyin üstünlükləri

• Biz müştərilərimizə dəyər veririk və onların ehtiyaclarına, vərdişlərinə və gözləntilərinə diqqət yetiririk.
• Multikultural mühit: biz xarici həmkarlarımızın fikirlərini və təcrübələrini qiymətləndiririk. Biz açıqlığa, inklüzivliyə və müxtəlif baxış bucağının mövcudluğuna dəyər veririk.

Son müraciət tarixi : 18 May 2024

Müraciət et