“Can Laçın” adlı məqalə müsabiqəsi

Azərbaycan Respublikası Prezidentinin Laçın şəhərindəki xüsusi nümayəndəliyinin, Azərbaycan Respublikası Elm və Təhsil Nazirliyinin, Bakı Slavyan Universitetinin və MDB-yə Üzv Dövlətlərin Humanitar Əməkdaşlıq üzrə Dövlətlərarası Fondunun birgə təşkilatçılığı ilə ali təhsil müəssisələrinin tələbələri arasında “Can Laçın” adlı məqalə müsabiqəsi elan edilir.

Müsabiqə Laçın şəhərinin 2025-ci ildə MDB-nin mədəniyyət paytaxtı seçilməsi münasibətilə hazırlanmış tədbirlər planı çərçivəsində keçirilir.

 Məqsəd: Azərbaycanın ayrılmaz hissələri olan Qarabağ və Şərqi Zəngəzurun, xüsusilə Laçın rayonunun tariximizdəki rolu, geostrateji mövqeyi, zəngin mədəni irsi və 2020-ci il Vətən müharibəsi ilə 2023-cü il Antiterror tədbirlərindən sonra yaranan yeni geosiyasi reallıqlar haqqında elmi yanaşmalar əsasında tədqiqat məqalələrini üzə çıxarmaq və MDB ölkələrinin ictimaiyyətinə çatdırmaqdır.

Müsabiqə şərtləri:

 • Məqalələr yalnız Microsoft Word (.docx) formatında Azərbaycan, ingilis, türk və ya rus dillərində təqdim olunmalıdır.

 • Müəllifin adı, soyadı, universiteti, fakültəsi, ixtisası, tədris ili və qrupu qeyd edilməlidir.

 • Şrift: Times New Roman, 14 pt, sətir aralığı: 1.5

 • Həcmi: 5–8 səhifə

 • Plagiat və daha öncə dərc olunmuş materiallar qəbul edilmir.

 • Xülasə və istifadə olunan ədəbiyyat siyahısı yer almalıdır.

Müsabiqənin istiqamətləri:

• Azərbaycan tarixi və mədəniyyəti

• Laçın rayonunun tariximizdəki yeri

• Yeni geosiyasi reallıqlar

• Laçından Qərbi Azərbaycana uzanan yol

Məqalələrin göndərilmə ünvanı: [email protected]

Son müraciət tarixi: 30 sentyabr 2025-ci il, saat 23:59

 Qiymətləndirmə:

BSU-da yaradılmış komissiya tərəfindən elmi əsaslandırma, texniki tələblərə uyğunluq və dil qaydalarına riayət prinsipləri əsasında aparılacaq. Qaliblərin məqalələri dərc olunacaq və müəlliflər mükafatlandırılacaq.