Əmək və Əhalinin Sosial Müdafiəsi Nazirliyi tərəfindən uşaqların valideyn himayəsindən məhrum olmaması üçün dövlətin sosial sahədə həyata keçirdiyi köklü islahatların tərkib hissəsi olan “Gatekeeping” (himayədar ailə) mexanizmi elektronlaşdırılır. Himayədar ailə (himayədar valideyn) olmaq istəyən şəxslərin və himayədar ailəyə verilmiş uşaqların vahid uçotu e-sistem vasitəsilə həyata keçiriləcək.

Qeyd edək ki, himayədar ailə - ilk olaraq uşağın öz ailəsində qalması üçün sosial dəstəyin göstərilməsi, bu alınmayanda himayədar ailə mexanizminin işə düşməsi, bu da nəticə vermədikdə övladlığa verilməsi üçün tətbiq olunan bir mexanizmdir. Qeyd olunan sistem beynəlxalq təcrübədə işləkdir. Valideynini itirmiş və ya valideyn himayəsindən məhrum olmuş hər bir uşaqla bağlı proseslərin uçotu elektron qaydada aparılır.

Altsistemin “e-sosial” internet portalında yaradılması nəzərdə tutulub. Yaxın zamanda “Gatekeeping” altsisteminin istifadəyə verilməsi planlaşdırılır.