"Gənc müəllimlərin debat çempionatı” – gənclərdə “soft skills” təməl bacarıqların formalaşdırılması” layihəsinin məktəblərdə daxili təlimlər sona çatdı

Azərbaycan Gənc Müəllimlər Assosiasiyasının (AGMA) təşkilatçılığı, Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi, Şirvan-Salyan Regional Təhsil İdarəsinin əməkdaşlığı ilə həyata keçirilən “Gənc müəllimlərin debat çempionatı” – gənclərdə “soft skills” təməl bacarıqların formalaşdırılması” layihəsi çərçivəsində Şorsulu kənd N.İbrahimov adına ümumi orta məktəb, Şəkərli kənd ümumi orta məktəb, Qarabağlı-1 kənd tam orta məktəb və bir çox  məktəblərdə daxili təlimlər sona çatdı.
Bu prosesdə müəllimlər təlimdə öyrəndikləri mövzuları məktəbdə təcrübədən keçirib, əldə olunan nəticəni həmkarları ilə bölüşdülər.
Təlim keçən müəllimlərin şəkillərini sizə təqdim edirik.
Layihədə iştirak edən müəllimlərə təşəkkür edirik!
Qeyd edək ki, layihənin məqsədi yeniyetmələr və regionun gənc müəllimləri arasında 21-ci əsr bacarıqları sırasında olan ünsiyyət, özünü təqdimetmə və natiqlik bacarıqlarının inkişaf etdirilməsidir.