ARTİ MİQvə Sertifikasiya imtahanına hazırlaşan namizədlərə dəstək məqsədilə təşkil edilən seminarları davam etdirir. 29 iyun tarixində saat 15:00-da informatika fənnindən imtahana hazırlaşan şəxslər üçün seminar olacaq. Əyani şəkildə təşkil ediləcək seminarda iştirak etmək istəyən şəxslər aşağıdakı linkə daxil olmaqla qeydiyyatdan keçə bilərlər: https://forms.gle/7U2A6AtAvZsXrfvc8 Seminar ARTİ MDPİM-də keçiriləcək və 2 saat davam edəcək. Ünvan: Bakı şəhəri, M.Cəlal küçəsi, 71. Qeyd edək ki, seminarların mütəmadi şəkildə keçirilməsi planlaşdırılır. Hər seminar bir fənn üzrə çərçivə sənədinin izahına həsr olunacaq, əvvəlki illərdə imtahanlarda istifadə olunan sual nümunələri müzakirə olunacaq, eyni zamanda gələcəkdə çərçivə sənədinin təkmilləşdirilməsinə dair verilən təkliflər dəyərləndiriləcək.